ҚР ТЖМ баспасөз қызметінің хабарлауынша, бүгін түнгі сағат 01:25-те Астана қаласының Өрт сөндіру қызметіне Титов көшесінде өрт шыққаны туралы хабарлама түсті.
"Өрт сөндіру бөлімшелері оқиға орнына келген уақытта екіпәтерлі тұрғын үйде 70 шаршы метр алаңда өрт болып жатты. Өрт сөндірушілер отқа оранған үйден 1970 жылы туған ер адамды құтқарып, орташа дәрежедегі улы газдан улану диагнозымен ауруханаға жеткізілді. Өрт сөндірушілер барлау және өртті сөндіру барысында 1983 және 1970 жылдары туған екі ер адамның және 1971 жылы туған әйелдің денесін тапты. Өрт сағат 02:55-те толығымен сөндірілді". ҚР ТЖМ баспасөз қызметі
Алдын ала болжам бойынша өрттің шығуына сөндірілмеген темекі тұқылы себеп болуы мүмкін.
Сурет: ҚР ТЖМ баспасөз қызметі
Айта кетсек, бүгін түнде Алматыда монша кешені отқа оранды. Өрт сөндірушілер жоғары дәрежелі дабыл белгісімен оқиға орнына аттанды.