Алматыдағы монша кешеніндегі алапат өртке байланысты тың мәлімет ұсынылды

Өрт, Алматы, монша, сурет - Zakon.kz жаңалық 03.09.2023 10:15

Сурет: Алматы қаласы ТЖД баспасөз қызметі

ҚР ТЖМ баспасөз қызметі түні бойы өртенген моншадағы қызыл жалынның Бостандық ауданы Нұрлытау ықшам ауданындағы үйлерге таралуына жол берілмегенін нақтылады, деп хабарлайды Zakon.kz.

Айта кетсек, 2 қыркүйекте сағат 23:13-те Алматы қаласы ТЖД өрт сөндіру есептері жоғары дәрежегі дабыл белгісі бойынша Бостандық ауданы Нұрлытау ықшам ауданы, Нұртазин көшесіндегі өртті сөндіруге аттанды.

"Оқиға орнына жеткен өрт сөндіру бригадасы ағаштан жасалған екі қабатты ғимараттың аумағындағы монша өртеніп жатқанын, ауданы 600 шаршы метр екенін анықтады. Қабылданған шаралардың арқасында өрт сөндірушілер монша кешенінің едәуір бөлігін өрттен қорғады. Өрт сағат 00:27 оқшауланды, 01:20-да от толығымен ауыздықталды. Құрбан болғандар мен зардап шеккендер жоқ". ҚР ТЖМ баспасөз қызметі

Атап айтқанда:

қамыспен қапталған екі ғимарат, бір қабатты ағаш ғимарат;
екі тұрғын үй - шығыс жағында екі қабатты тұрғын үй, оңтүстік-батыс жағында үш қабатты көпқабатты үй өрттен қорғалды.