Қалалық полиция басқармасының мәліметінше, көші-қон қызметі қызметкерлері учаскелік инспекторлармен бірлесіп, Қазақстанда заңсыз жүрген 34 жастағы шетелдікті ұстады. Ол Өзбекстанның құқық қорғау органдарынан жасырынып жүрген.
Сурет: polisia.kz
"Көрші елдің тәртіп сақшыларының бағыттамасында ер адам 2022 жылы алаяқтық жасағаны үшін халықаралық іздеуге жарияланғанын және қарулы болуы мүмкін екенін көрсетеді. Ұсталған азаматтан қару-жарақ табылмаған", - делінген хабарламада.
Ол қазір қамауда отыр. Оны Өзбекстанға экстрадициялау жұмыстары жүріп жатыр.