Даулы видеоны Instagram-дағы парақшасында журналист Лұқпан Ахмедьяров жариялады.
Автор аталған оқиғаның еліміздің батысындағы Мұратсай ауылында болғанын атап көрсетеді.
Видео сипаттамасында 11-сынып оқушыларының ҰБТ тапсыру үшін қалаға бара жатқандығы айтылады. Қала мен ауыл арасы 18 шақырымды құрайды екен.
Видео астына пікір қалдырғандар ауыл өмірінің жағдайына алаңдаушылық танытып, ал балаларды бұлайша тасымалдау қауіпті екенін жаппай ескертуде:
- Қазақстан бойынша мұндай ауылдар жетерлік, біздің ғасырда, абсурд қой...
- трактор тіркемесімен 18 шақырымды артқа тастайды ма? Байғұс, балалар-ай.
- мұндай көлікке балаларды қалай мінгізген, бұл өмірге қауіпті емес пе!
Батыс Қазақстан облысы әкімдігінің баспасөз қызметі бұл оқиғаның 17 наурызда болғанын нақтылады.
Белгілі болғандай, балалар ақылы жолмен ҰБТ тапсыру үшін Оралға аттанған.
"Мой город" басылымы оқушылардың ата-аналары балаларды Сайхин – Өнеге - Орал тас жолына жеткізіп салу үшін жеке тұлғамен өз беттерімен келіскенін, алайда олар бұл туралы жергілікті әкімдікті де, полицейлерді де ескертуді ойламағанын жазады.
"Қазіргі уақытта ауыл әкімдігін, мектеп басшылығын және техника иесін жауапкершілікке тарту мәселесі қарастырылуда. Ауыл әкімінен, мектеп директорынан және учаскелік инспектордан түсініктеме алынды". БҚО әкімдігінің баспасөз қызметі
Бұл ретте ведомство жолдың жаман екендігін мойындады. Мердігер анықталғаннан кейін ол арада жол жөндеу жұмыстары жүргізілетіні айтылды.
