ҚР ТЖМ мәліметінше, 11 маусымда Астанада көппәтерлі тұрғын үйлердің бірінде пәтер өртенуі орын алды.
"Құтқарушылар Жаслан Жәкенов пен Денис Чайковский ес-түссіз болған үй жануарын өрттен құтқарды. Құтқарушылар тыныс алу аппаратының көмегімен құйрықты жануарды құтқарып алды",- делінген ведомство ақпаратында.
Мысықтың жанын аман алып қалу сәті бейнежазбаға түсірілген.
9 маусымда Ақмола облысында өрт кезінде төрт адам құтқарылғанын хабарладық.
