ҚР ТЖМ баспасөз қызметінің хабарлауынша, Қарасу ауданындағы аттас ауылынан 10 шақырым жерде жеңіл автокөлік қар құрсауында қалып кеткен.
"1995 жылы туған ер адам 112 нөмірі бойынша құтқарушылардың көмегіне жүгінді. Ауа райының қолайсыздығына қарамастан құтқарушылар жоғары өтімді техникамен жедел аттанып, автокөлікті жолдың тазартылған учаскесіне сүйреп шығарды. Жүргізуші медициналық көмекке мұқтаж болған жоқ", делінген хабарламада.
Бұған дейін Жаңа жыл түні елімізде 181 сәби дүние келгенін жазғанбыз.