"ҚазАвтоЖол" ҰК" АҚ баспасөз қызметінің хабарлауынша, ауа райының бұзылуына байланысты келесі өңірлерде:
- Қостанай облысында "Қостанай-Әулиекөл-Сұрған" тас жолының 108-232 шақырымы, Әулиекөлден Ақмола облысы шекарасының аралығында көліктің барлық түрінің қозғалысына шектеу қойылды.
Ақмола облысында:
- "Қостанай-Әулиекөл-Сұрған" тас жолының 232-260 шақырымы аралығында ( Қостанай облысының шекарасы-Сұрған)
- "Жақсы-Есіл-Бұзылық" тас жолының 71-82 шақырымы аралығында (Ақсай-Бұзылық)
- "Жезқазған-Петропавл" тас жолынығ 536-553 шақырымы аралығында (Бұзылық-Сұрған) көліктің барлық түрінің қозғалысына шектеу қойылды.
Сондай-ақ 2025 жылғы 01 қантарда сағат 15:00-те Қостанай облысында ауа райының бұзылуына байланысты республикалық маңызы бар "Екатеринбург-Алматы" тас жолының 686-729 шақырым аралығында (Сарыкөл ауылынан СҚО шекарасына дейін) көліктің барлық түрінің қозғалысына шектеу қою жоспарланып отыр.
Бұған дейін 1 қаңтарда таңертең "Алматы-Өскемен" тас жолының шектеу енгізілген учаскесі ашылғанын хабарлағанбыз.