ҚР ТЖМ баспасөз қызметінің хабарлауынша, 1 қаңтарда Петропавлда төтеншеліктерге 1949 және 1952 жылғы екі әйелге қатысты екі шақырту келіп түскен. Үйлерінде жалғыз болған екеуі де аяғын сындырып алып, туыстары келгенде есікті аша алмаған. Ал туыстары өз кезегінде құтқарушылардың көмегіне жүгінген.
Оқиға орындарына жедел жеткен ТЖМ қызметкерлері альпинистік жабдықтардың көмегімен шатырдан арқылы пәтерлерге кірген.
"Кәсібилігі, жанқиярлығы мен кез келген уақытта дайын болғандары үшін батырларымызға алғыс білдіреміз!" - деді көмек сұраған адамдар.
Сурет: ҚР ТЖМ баспасөз қызметі