Журналистер бұл ретте" Қазақстан Украинаға жүгінеді ме және залалды кім өтейді" деп сұрады.
"Әрине, залалды қалпына келтіру жайында дипломатиялық арналар бойынша консультациялар жүргізілді. Қазіргі уақытта кәсіпорынның өз қаражаты есебінен бүлінген объектілерді қалпына келтіру жүзеге асырылуда", - деді Алмасадам Сәтқалиев.
Оның айтуынша, қазақстандық мамандар тобы тексеру жұмыстарына қатысқан.
"Ақауға қатысты есеп ұсынылды, ол қазақстандық тарап акционерлерімен келісілді. КҚК-ның тұрақты жұмысы үшін жеткілікті үлкен сыйымдылықтар бар, шамамен 1 млн тонна. Қазақстандық мұнайды қабылдау шектеусіз жүріп жатыр, ол үшін бірқатар шешімдер қабылданды. Тасымал белгіленген кестелерге сәйкес орындалады, танкерлерді толтыру режимі схема бойынша жүреді. Бұл ағымдағы, яғни қалпына келтіру кезеңімен байланысты жағдай", - деп сендіреді Энергетика министрі.
Айта кетсек, 2025 жылдың 17 ақпанында Каспий құбыр консорциумының (КҚК) "Кропоткинская "мұнай айдау стансасына дрондар шабуыл жасады.