Таратылған ақпаратқа сүйенсек, 2020 жылы бұрынғы ерлі-зайыптылар арасында нотариаттық келісім жасалған, оның шарттары бойынша әкесі кәмелетке толмаған үш баланы асырап-бағуға әр айдың 20-күніне дейін ай сайын 1,6 млн теңге мөлшерінде алимент төлеуге міндеттенді.
"Талап қоюшы алимент мөлшерін азайту арқылы аталған келісімді өзгертуді сұрады, оның талаптарын бас бостандығынан айыру орындарында жазасын өтеп жатқандығына және жұмысқа орналаспағанына негіздеді",- делінген ақпаратта.
Сондай-ақ, Бишімбаев келісімнен келесілерге қатысты ережелерді алып тастауды сұрады:
- балаларды ақылы оқу орнында оқытуға, оның ішінде олар кәмелетке толғаннан кейін қосымша шығыстарды төлеу;
- балаларды медициналық тексеруге және емдеуге байланысты шығындар;
- тұру, тамақтану, сақтандыру, көлік және басқа да ілеспе шығындарды қоса алғанда, Қазақстанда да, шетелде де балалардың демалысын жылына кемінде бір рет төлеу міндеттемелері.
Істің материалдарын қарағаннан кейін сот алимент төлеу туралы нотариаттық келісімге өзгерістер енгізу үшін заңды негіздердің жоқтығы туралы қорытындыға келді.
"Сот талап қоюшының 2024 жылдың тамызында сыйға тарту шарттары бойынша үшінші тұлғаларға тиесілі мүлікті иеліктен шығару арқылы өзінің материалдық жағдайын әдейі нашарлатқанын анықтады. Бұл ретте, оның ұзақ мерзімге сотталғанын және келісімді көзделген көлемде орындауға мүмкіндігі жоқ екенін ескере отырып, өзіне тиесілі мүлік есебінен міндеттемелерді орындауға нақты мүмкіндігі болған. Бұл жағдайларды сот талап қоюшының жосықсыз әрекеті деп санайды".Астана қаласының кәмелетке толмағандардың істері жөніндегі мамандандырылған ауданаралық соты
Балалардың құқықтары мен заңды мүдделерін ескере отырып, сот талап қоюды қанағаттандырудан бас тартты.
Шешім заңды күшіне енген жоқ.
2024 жылдың 13 мамырында Астанада Салтанат Нүкенованың аса қатыгездікпен өлтірілуіне қатысты сот процесі аяқталды. Сот бұрынғы Ұлттық экономика министрі Қуандық Бишімбаевты әйелін азаптап өлтіргені үшін кінәлі деп тапты. Ол 24 жылға бас бостандығынан айырылды.