Бұл қауіпті психостимулятор халық арасында "тұз" немесе "жылдамдық" деген атаулармен белгілі.
Қостанайлықтардың жалға алған пәтерінен ерекше иісі бар ақ және сарғыш түсті екі түрлі ұнтақ, электронды таразылар, зип-пакеттер мен изолента табылды.
Бұл заттардың барлығы схема бойынша жұмыс үшін пайдаланылған. Сараптама қорытындысы бойынша, салмағы шамамен 355 грамм a-PVP синтетика екені расталды.
Қазіргі таңда аса ірі көлемде есірткінің заңсыз айналымы бойынша іс қозғалды. 19 жастағы күдікті уақытша ұстау изольяторына қамалды, екіншісінің қылмысқа қатысы бар-жоғы тексерілуде.
Егер сізді "қоймаларға көмектесіп ақша табайық" деп шақырса — келіспеңіз. Бұл — қылмыс.