Кездесу барысында Мемлекет басшысы Қазақстанның Sumitomo корпорациясының орнықты даму мен корпоративтік жауапкершілікті арттыруға деген ұстанымын жоғары бағалайтынын, сондай-ақ компанияны ұзақ мерзімді стратегиялық серіктес ретінде қарастыратынын атап өтті.
Шинго Уэно Президентке "Қазатомөнеркәсіп" ұлттық компаниясымен бірлескен жоба туралы мәлімет берді. Жоба ядролық медицина саласында уран өнімдерінен емдік радий изотоптарын алудың ғылыми-негізделген әдістерін әзірлеуді көздейді.
Сонымен қатар кездесуде көлік-логистика, энергетика, атом өнеркәсібі, металлургия және геологиялық барлау салаларында бірлескен инвестициялық жобаларды іске асыру мүмкіндіктері талқыланды.