Ведомствоның мәліметінше, елордада алдағы күндері бірқатар халықаралық деңгейдегі маңызды іс-шаралар өтеді.
"Құрметті Астана қаласының тұрғындары мен қонақтары! 2026 жылғы 20–24 сәуір аралығында елордада халықаралық саяси іс-шаралардың өткізілуіне байланысты қаланың кейбір көшелерінде көлік қозғалысына уақытша шектеулер енгізіледі. Маңызды халықаралық деңгейдегі іс-шаралар кезінде қауіпсіздікті қамтамасыз ету шараларына түсіністікпен қарауларыңызды сұраймыз", – делінген хабарламада.
Айта кетейік, Ақорданың мәліметінше, 20–23 сәуір аралығында Қазақстанға Моңғолия Президенті Ухнаагийн Хурэлсух мемлекеттік сапармен келеді. Сондай-ақ 22–24 сәуір күндері Астанада Өңірлік экологиялық саммит өтеді. Оған бірқатар мемлекеттер мен үкімет басшылары, халықаралық ұйым жетекшілері қатысады.
Бұдан бөлек, 22 сәуір күні Қасым-Жомарт Тоқаевтың төрағалығымен Аралды құтқару халықаралық қоры құрылтайшы мемлекеттері басшылары кеңесінің отырысы өтеді.