Ақорданың баспасөз қызметі таратқан ресм ақпаратқа сай, Ресей Федерациясының Президенті Владимир Путин, Қырғыз Республикасының Президенті Садыр Жапаров, Беларусь Республикасының Президенті Александр Лукашенко және Армения Республикасының Вице-премьері Мгер Григорян Тәуелсіздік сарайына келді.
Мәртебелі меймандарды Мемлекет басшысы Қасым-Жомарт Тоқаев қарсы алды.
Бұған дейін, 28 мамырда Астанада V Еуразиялық экономикалық форум өткен болатын. Сол жиында сөз сөйлеген Қазақстан Президенті форумның Еуразиялық интеграцияны дамытудағы басым бағыттар бойынша кәсіби әрі нәтижелі диалог жүргізуге мүмкіндік беретін тиімді алаң екенін атап өтті.