Бұған дейін мемлекет басшысы Қасым-Жомарт Тоқаев:
- Ерлан Қариннің кандидатурасын Қазақстан Республикасының вице-президенті;
- Олжас Бектеновтің кандидатурасын Қазақстан Республикасының премьер-министрі лауазымына ұсынған еді.
Президенттің ұсынысын Құрылтайдағы "Әділет", "Ауыл", Respublica, "Ақ жол" және Жалпыұлттық социал-демократиялық партия фракцияларының жетекшілері қолдады.
Отырысқа қатысқан 145 депутаттың 141-і Ерлан Қариннің вице-президент лауазымына кандидатурасын қолдап дауыс берді. Осылайша, Құрылтай оның кандидатурасын мақұлдады.
Сонымен қатар депутаттар Олжас Бектеновтің Қазақстан Республикасының премьер-министрі лауазымына кандидатурасын да мақұлдады. Дауыс беруге қатысқан 144 депутаттың 137-сі оның кандидатурасын қолдаса, жетеуі қалыс қалды.