Оқыс оқиға 22 шілдеде орын алған. Еңбекшіқазақ ауданының полиция басқармасына атыс болып жатқаны туралы хабарлама келіп түсті.
Атыс кезінде 18 және 30 жастағы Есік қаласының тұрғындары зардап шекті. Аталған факт ҚР Қылмыстық кодексінің 24-бабының 3-бөлігі, 99-бабының 2-бөлігі 1,9-тармақтары бойынша тіркеліп, сотқа дейінгі тергеу басталды.
Алматы облыстық ПД күдіктілердің жеке-басын анықтау және оларды ұстау бойынша жедел-іздестіру іс-шараларының қолға алынғанын хабарлады. Полиция департаменті басшылығы тергеу барысын өз бақылауына алды.
