2 желтоқсанда СҚО Айыртау ауданының полиция бөліміне Әлжан ауылындағы табын жылқы арасында 50 бас жоқ екені анықталғаны туралы хабарлама келіп түсті.
Іздеу шаралары барысында жоғалған жылқылар қатқан күйінде Барчи көлінен табылды. Алдын ала болжам бойынша, жылқылар бақташы болмаған кезде көлдегі мұз үстімен жүрген. Кейін мұз жарылып, жануарлар суға батып кеткен. СҚО ПД баспасөз қызметі
Аталған факті бойынша Айыртау ауданының полиция бөліміне арыздар келіп түспеді.
Қазіргі уақытта полицейлер болған оқиғаның барлық мән-жайын тексеріп жатыр, өлген жануарлардың нақты саны анықталу үстінде.
