Жол апат 6 желтоқсанда Қамзин мен Астана көшелерінің қиылысында орын алған.
Жедел жәрдем жүргізушісі комаға түскен адамды ауруханаға дереу жеткізу үшін асыққаны белгілі.
"ҚР Жол қозғалысы ережелерінің 6.1-тармағына сәйкес, қозғалыстың басқа қатысушыларынан артықшылыққа ие болу үшін жедел және арнайы қызметтердің көлік құралдарының жүргізушілері көк немесе қызыл түсті жарқылдауық жарық пен арнайы дыбыстық белгіні қосуы керек. Дегенмен олар өздеріне жол берілгеніне көз жеткізген жағдайда ғана артықшылыққа ие болады", – деді Павлодар облысы ПД.
Бірақ бұл жағдайда жүргізуші өзіне жол берілгеніне көз жеткізбестен қозғалып, жол-көлік оқиғасына тап болды, деп атап өтті полиция.
Аталған фактіге сәйкес жедел жәрдем жүргізушісіне қатысты ҚР ӘҚБтК 610-бабының 1-бөлігі бойынша әкімшілік іс қозғалды.
Сараптама тағайындалды.