Қала тұрғыны Market.kz сайты арқылы IPhone 14 телефонын сату туралы хабарландыру берген. WhatsApp мессенджері арқылы бейтаныс ер адам байланысқа шығып, Домбыралы көшесінде кездесуге уәделескен. Әйел жұбайымен бірге мекенжайға келген. Көліктен шыққаннан кейін әйел сатып алушыға жақындайды, бірақ сол кезде ол тапаншаға ұқсас затпен қорқытып, ұялы телефонды беруді талап еткен. Жәбірленушінің жұбайы мұны байқап, жақынған сәтте ер адам оның да ұялы телефонын талап еткен.
Сарыарқа ауданы криминалдық полиция бөлімінің қызметкерлері жедел-іздестіру іс-шаралары барысында 26 жастағы астаналықты анықтады.
Заттай дәлелдемелер тәркіленді. Қажетті сараптамалар тағайындалды. Аталған дерек бойынша сотқа дейінгі тергеу амалдары жүргізіліп жатыр. Ер адам уақытша ұстау изоляторына қамалды.
