"Қазіргі уақытта құрбандар саны 5 434 болды, 31 777 адам жараланды", - деді Фахреттин Қожа Twitter-де жариялаған видеосында.
Еске салайық, 6 ақпанда таңертең Түркияның оңтүстік-шығысында 7,7 балдық жойқын жер сілкінісі болды.
Түркияға қазақстандық құтқарушылар мен дәрігерлер аттанды.
Олар 7 ақпанда Ибрахимили ауданында іздестіру-құтқару жұмыстарына кірісіп, үйінді астында қалған бір адамның мәйітін шығарды.
Сонымен қатар жер сілкінісі кезінде Түркияның Хатай қаласында қазақстандық Мирус Құрмашев жоғалып кеткені белгілі болды. Ол жер сілкінісі болғалы отбасымен байланысқа шықпаған. СІМ бұл жөнінде хабардар екенін және оны іздестіріп жатқанын мәлімдеді.
Қазақстандық әнші Димаш Құдайберген жеке концерттерінен түскен қаражаттың бір бөлігін Түркия мен Сириядағы жойқын жер сілкінісінен зардап шеккендерге аударатынын айтты.