Түркиядағы жер сілкінісі: Димаш Құдайберген концертінен түскен қаржының бір бөлігін аударады
Cурет: instagram.com/kudaibergenov.dimash
Қазақстандық танымал әнші Димаш Құдайберген жеке концерттерінен түскен қаражаттың бір бөлігін Түркия мен Сириядағы жойқын жер сілкінісінен зардап шеккендерге аударады, деп хабарлайды Zakon.kz.
"Қазақ халқына бауырлас, ағайын ел болып саналатын Түркияда, Сирияда және басқа да мемлекеттерде табиғаттың залалынан дүние салып жатқан адамдардың саны мыңнан асып кетті деген хабарды естідім. Әрине, зор күйзеліспен қабылдап отырмыз. Барлық дүние салған адамдардың жақындарына шын жүректен қайғыра көңіл айтамыз. Ауыр халде күй кешіп жатқан көршілес бауырларымыздың тезірек сауығып кетуін тілейміз", - деді қазақстандық әнші.
Әнші әлем бойынша ұйымдастырлып жатқан жеке кештерінен түскен қаражаттың бір бөлігін зардап шеккен отбасыларға көмек ретінде аударатынын айтты.
"Командама тапсырма бердім. Енді толық ақпаратты Dimashnews сайтынан өздеріңіз бақылап отыра аласыздар. Әр отбасыға аманшылық тіледім. Аспанымыз ашық, әлем атты ортақ үйіміз апат пен зілзаладан аман болсын. Елімізде, әлемде тыныштық болсын! Бейбіт заман болсын! Барлық әлем халқы бақытты болсын!", - деді Димаш Құдайберген.
Оқи отырыңыз
Бүгін - Мұстафа Өзтүріктің туған күні
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
