Қазақстандық құтқарушылар мен дәрігерлер Түркияға аттанды - фоторепортаж

Сурет: Zakon.kz

2023 жылдың 6 ақпанынан бастап Түркия бірқатар күшті және жойқын жер сілкіністерін бастан өткерді. Осыған байланысты мемлекет басшысы Қасым-Жомарт Тоқаев Қазақстан үкіметіне Түркияға шұғыл көмек көрсетуді тапсырды, деп хабарлайды Zakon.kz.

Қазақстан ТЖМ құтқарушылары Алматыдан жер сілкінісі салдарын жоюға көмек көрсету үшін Түркияға аттанды. Тиісті тапсырманы Қазақстан Президенті Қасым-Жомарт Тоқаев берді.

Алдын ала мәлімет бойынша борт Газиантеп қаласына барады.

Жасақ құрамында Қазақстан ТЖМ құтқарушылары, кинологиялық есептер және Апаттар медицинасы орталығының медицина қызметкерлері бар.

ТЖМ құтқарушыларының иелігінде құтқарушы құрал-жабдықтары: гидравликалық және пневматикалық жабдықтар, гидравликалық домкраттар, пневмодомкраттар, перфораторлар, жарықтандыру құралдары, палаткалар, спутниктік терминал, каркасты модуль, автотехника бар.

Топ қажетті жабдықтармен де, құтқару жұмыстарын жүргізуде көп жылдық тәжірибесі бар құтқарушылармен де жабдықталған.7 ақпанда Zakon.kz тілшісі Алматы әуежайында болып, қазақстандық құтқарушылар мен дәрігерлердің Түркияға көмек көрсетуге кеткен жерінен фоторепортаж жасаған болатын.