Қасым-Жомарт Тоқаев Түркияға шұғыл көмек көрсетуді тапсырды
Сурет: akorda.kz
Президент Қасым-Жомарт Тоқаев Үкіметке Түркияның оңтүстік-шығысында болған жойқын жер сілкінісінің салдарын еңсеруде шұғыл көмек көрсетуді тапсырды, деп хабарлайды Zakon.kz.
Сыртқы істер министрлігі мен Төтенше жағдайлар министрлігі түрік билігімен байланыс орнатты. Жақын арада Түркия Үкіметінің өтініші бойынша зардап шеккен өңірлерге қазақстандық құтқарушылар мен дәрігерлер ұшады, делінген Ақорда таратқан ресми ақпаратта.
6 ақпан күні таңертең Түркия мен Сирияда күшті жер сілкінісі болды. Салдарынан қаза тапқандар саны 500 адамнан асты: оның ішінде 230-дан астам сириялық және кем дегенде 280 түрік азаматы бар.
ҚР президенті Қасым-Жомарт Тоқаев Түркияның оңтүстік-шығысында көптеген адам шығынына әкеп соқтырған жер сілкінісіне байланысты осы елдің Президентіне көңіл айту жеделхатын жолдады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
