Түркияға жіберілген қазақстандық құтқарушылар мен дәрігерлер марапатталады

Мемлекет басшысы Қасым-Жомарт Тоқаев 6 ақпанда Түркияда жойқын жер сілкінісі болғанын еске салды. Оның тапсырмасы бойынша оқиға орнына қазақстандық құтқарушылар мен дәрігерлер тобы жіберілді, деп хабарлайды Zakon.kz.

Құтқарушылар мен дәрігерлердің арасында Ақмола облысының мамандары – 18 адам бар. Біздің құтқарушылар көп адамға көмектесті.

"Осы мүмкіндікті пайдалана отырып, Түркияда күндіз-түні еңбек еткен барша қазақстандықтарға алғыс айтқым келеді! Отандарына аман-есен оралған соң, олардың барлығына марапаттар беріледі", - деді Қазақстан Президенті.