Оқыс оқиға 14 наурызда орын алды.
БАҚ-тардағы мәліметтерге сүйенсек, ер адамның әйелі имамға дем салдыруға барған, содан кейін олар өзара жанжалдасады. Имамға шабуыл жасаған кезде әйел өзін-өзі өлтірмек болған (сірке суын ішкен). Ол да ауруханаға түсті.
"Ер адам ұсталды. Қазір ол Астана қаласы ПД Алматы ауданының полиция бөлімінде. Істің мән-жайы анықталуда", - деді полициядағылар.
Аталған фактіге сәйкес, Астана қаласы ПД "Сарыарқа" ауданының полиция бөлімі сотқа дейінгі тергеу амалдарын қолға алды. Барлық қажетті сараптамалар тағайындалды. Осы оқиғаға қатысы бар адам қылмыс орнында ұсталды. Ол ПД-ның уақытша ұстау изоляторына қамалды.