Президент Twitter-дегі парақшасында теңгені бекемдемей және инфляцияны төмендетпей, орнықты экономикалық өсімге қол жеткізу, азаматтардың әл-ауқатын арттыру, инвесторлардың сеніміне ие болу мүмкін емес екенін жазды.
Сондай-ақ Мемлекет басшысы өңірлер арасындағы даму алшақтығын еңсеруге баса мән беру керектігін атап өтті. Жұмыспен қамту мәселесін шешіп, еліміздің барлық облысының әлеуметтік және мәдени дамуына жағдай жасау керек. Аймақтарда шетелдік жетекші жоғары оқу орындарының филиалдары ашылады.