Мемлекет басшысының айтуынша, олар қандай идеяны жасырса да, мұндай әрекеттерді ешбір жағдайда ақтау мүмкін емес.
Экстремизм мен терроризм күрделі мәселе мен қатер болып қала береді. Бүгінгі қиын-қыстау кезеңде дін көшбасшыларының бір дастархан басында бас қосуы маңызды. Олар кез келген мәселеде ортақ пікірге келіп, шешім табуға болатынын күллі әлемге, адамзатқа паш етіп жатыр.Қасым-Жомарт Тоқаев
Президент Қазақстанның ауқымды реформалар бағдарламасын қолға алғанын және оның табысы көп ұлтты және көпконфессиялы мемлекетіміздің ынтымағына, жеріміздегі бейбітшілік пен келісімге байланысты екенін атап өтті.
Біз елімізді гүлденген әрі әділетті мемлекетке айналдыру үшін Жаңа Қазақстанды құрап жатырмыз. Сондықтан біз де еліміздің саяси трансформациясын басты назарда ұстаймыз. Біздің жаңа экономикалық саясатымыз да ұлттық табысты неғұрлым әділ бөлуге және барлық халықтың әл-ауқатын жақсартуға бағытталады.Қасым-Жомарт Тоқаев
Бұған дейін Қасым-Жомарт Тоқаев Әлемдік және дәстүрлі діндер көшбасшыларының съезі жаһандық деңгейдегі өркениетаралық диалог алаңына айналғанын айтқан еді. Сонымен қатар президент цифрлық дәуірде рухани құндылықтар идеясын ілгерілетуді ұсынды.
Мемлекет басшысының айтуынша, санкциялар мен күш қолдану ешқашан проблемаларды шешуге әкелмейді, сондықтан мұндай сәттерде біз гуманитарлық идеяларға оралуымыз керек.