"Салмақты саяси күштер халықтың мұң-мұқтажын ескеріп, нақты мәселелерін шешуге ерекше назар аударады" деген Мемлекет басшысы өз сөзінде олар әлеуметтік маңызы бар идеялар мен бастамаларға барынша көңіл бөлетінін атап өтті.
"Еліміздегі партиялардың көпшілігінде мемлекетшілдік ұстаным бар. Бұл – жақсылықтың нышаны. Жұрт жақында өз таңдауын жасайды деп сенемін. Алдағы сайлауда партиялардың бәріне бірдей мүмкіндік беріледі. Әкімдер қандай да бір саяси ұйымға жетекшілік ете алмайды. Ата заңға енгізілген өзгеріске сәйкес Президент барлық саяси күштен тысқары тұруға тиіс".Қасым-Жомарт Тоқаев
Президент мәжіліс пен мәслихат депутаттарын сайлау жаңа әрі әділ ереже бойынша өтетінін баса айтты.
"Алдағы сайлауды Қазақстан парламентаризмі тарихындағы жаңа кезеңнің бастауы деуге болады. Қоғамның түрлі өкілдерінің мүддесін партиялар арқылы қорғау мүмкіндігі артады".Қасым-Жомарт Тоқаев
Оның пайымдауынша, "мұның бәрі саяси жүйенің орнықты және тиімді болуын қамтамасыз етеді".