Ақорда Қасым-Жомарт Тоқаевтың сауда жасаған сәтінің видеосын жариялады.
Қолөнерші Cерік Ықылас Президентке қамшы 16 мың теңге тұратынын айтты. Тоқаев осы кезде әмиянынан ақша шығарып, үстелдің үстіне қойды. "Қалғанын қайтармай-ақ қойыңыз" деп жауап берді.
Президент сонымен бірге қыш құмыраны қолына ұстап көріп, сатып алуға ниет білдіргенде қолөнерші әйел "Өз қалауыңызға қарай бағалауыңызға болады" деп жауап берді. Қасым-Жомарт Тоқаев осы кезде әмиянын ашып, 10 мың теңгелік қағаз банкноттың екеуін ұсынды.
