Экс-шенді әйелі Салтанат Нүкенованы айырықша қатыгездікпен өлтірді, сондай-ақ жүйелі түрде ұрып-соғып, физикалық және психикалық азапқа салған деген айып тағылды.
Сурет: Астана соты
Сондай-ақ, Бишімбаевпен қатар оның немере ағасы Бақытжан Байжанов та сотқа тартылған. Оған ҚР ҚК-нің 432-бабы, "Аса ауыр қылмысты жасыру", ҚР ҚК-нің 434-бабы, "Белгілі аса ауыр қылмыс туралы хабарламау" айыптары тағылады.
Сурет: Астана соты
Айта кетсек, 11 наурызда бірінші сот процесі өтті, онда мемлекеттік айыптаушы осы іс бойынша тергеу нұсқасын жариялады. Айыптау актісіне сәйкес, кісі өлімі болған күні (2023 жылы 8 қараша) Қуандық Бишімбаев пен Салтанат Нүкенова елордадағы концерттердің біріне барған. Сол арада олардың арасында жанжал болады. Өзара түсінбеушілікке қарамастан, олар одан әрі бірге мейрамханаға барып, ұрыс-керіс жалғастығын табады. Ақырында Салтанат Нүкенова мерт болады.
Сурет: Астана соты
Айыпталушы мен оның адвокаттары да өз ұстанымдарын білдірді. Бишімбаев кінәсін мойындамайды және өзін алқабилер соттағанын қалайды. Ал адвокаттар айыптау бабын қайта қарауды талап етті.
