2024 жылы 22 шілдеде stopfake.kz мамандары интернеттегі алаяқтар қалай әрекет ететінін көрсетті.
Сурет: stopfake.kz
Онда пошта пакеті қоймаға желкізілгені, бірақ мекен жайы дұрыс жазылмаған делінген. Оны хабарламада көрсетілген сілтеме арқылы өтіп, нақтылау қажет екен. Алайда, сілтемені ашпаған жөн.
Алаяқтықтың бұл түрі туралы QazPost Instagram-дағы ресми парақшасында ескерткен.
"Құрметті клиенттер, белгілі сайттан тауар сатып алып, банк картасының деректемелерін енгізуге сілтеме жіберетін алаяқтардың оқиғалары жиілеп кетті.
- Ешқашан ешкімге банк картасының нөмірі мен CVV кодын айтпаңыз. Егер сіз дегенмен белгісіз сайтта төлем жасауды шешсеңіз, онда шешіміңіз үшін толық жауапкершілік өзіңізде болатынын есте сақтаңыз.
- Егер сізге ресми атауы болуы мүмкін күдікті сайттарға кіру ұсынылса, сақ болыңыз, бұл айна сайттары. Олардың мақсаты – сіздің жеке деректеріңізді алу, тауарларды немесе жеткізілімді төлеу.
- Егер сәлемде күтіп отырсаңыз, жеткізу күйін тек біздің post.kz ресми сайтында немесе мобильді қосымшада тексеруге кеңес береміз.
- Қазпоштадан хабарламалар тек 1499 ресми қысқа нөмірінен жіберіледі", делінген Қазпошта хабарламасында.
Қандай да бір мәліметтерді енгізуді сұраған осындай сілтемелердің таралуы – әлеуметтік инженерияның бір түрі.
Бұл онлайн-алаяқтық, бұл ретте олар адамдардың жеке деректерін иемденеді: жеке аккаунттарының логиндері мен парольдерін, банк карталары туралы ақпаратты, мобильді қосымшалардың кодтарын және т.б. Алаяқтардың қармағына түсіп қалмас үшін, мұқият болыңыздар және күмәнді сілтемелер бойынша өтпеңіздер.
