Өңірлік полиция мәліметінше, күдіктілердің бірі Қостанай тұрғынымен қылмысқа дейін таныс болған. Осыдан кейін олардың арасында жанжал болып, содан кейін күдікті өзге таныстарын одан кек алуға шақырған. Ол және оның екі серіктесі жәбірленушінің пәтерінде болып, оны ұрып-соғып, ойыншық тапаншамен, пышақпен қорқытқан. Осылайша күштеу арқылы олар жапа шегушіні ақшалай несие алуға мәжбүрлеген. Бұдан бөлек, телефон мен ақшаны қолды қылған. Келтірілген залалдың жалпы сомасы 1,5 млн теңгені құрайды.
"Жедел-іздестіру іс-шаралары барысында Қостанайда полицейлер екі күдіктіні анықтап, ұстады, үшінші күдікті Астанада тұтқындалды. Қызметкерлер тапаншаны, телефонды және жәбірленушіге тиесілі ақшаны тәркіледі. Күдіктілердің үшеуі де тергеу изоляторына қамалды", делінген полиция хабарламасында.
Адамдар тобымен алдын ала сөз байласу арқылы жасалған қарақшылық үшін олардың мүлкі тәркіленіп, бес жылдан он жылға дейін бас бостандығынан айырылу жазасы қарастырылатыны да нақтыланады.
Бұған дейін Астанада вокзалға үш жасар баласын тастап кеткен әйелге қатысты тың мәлімет жарияланған болатын.