"Олардың көпшілігінде сальмонелла энтериті расталды. Облыс прокуратурасы ҚР ҚК 304-бабының 1-бөлігі, яғни "Санитариялық қағидаларды немесе гигиеналық нормативтерді абайсызда адамдардың жаппай сырқаттануына, ауру жұқтыруына, сәулеленуіне немесе улануына әкеп соққан бұзу" бойынша сотқа дейінгі тергеу басталғанын нақтылады", деп жазады Pavlodarnews.kz.
Айта кетсек, 7 маусымда Bellagio банкет залында қыз ұзатуға барған 20-дан астам адам өздерін нашар сезінген. 8 маусымда да сол мекемеде тағы бір мерейтой өтіп, бірнеше қонақ астан уланды.
"Сыртқы орта объектілерінен шайындыларды микробиологиялық зерттеу нәтижесінде металл ас үй ыдыстарынан сальмонелла табылған. Сондай-ақ пісіруге арналған табақтан алтын түсті стафилококк, жабдықтар мен ыдыс-аяқтардың шайындыларында бактерия ішек тобының таяқшалары анықталды. Бұл ретте Bellagio ұжымы Instagram парақшасында мейрамхана жабылатынын және жұмысшыларын таратынын жариялады" делінген басылым мәліметінде.
Бұған дейін Ақмола облысында да жарысқа барған балалар астан уланғаны хабарланған.