Атап айтқанда, азаматтық қорғау органдарының жеке құрамымен жүргізілетін тәрбиелік және идеологиялық жұмыс жүйесіне "Адал азамат", "Заң және тәртіп" қағидаттары мен ұжымдық жауапкершілік ұстанымы енгізіледі.
Жоба мынадай мақсаттарды көздейді:
- қызметкердің заңға бағынатын, отаншыл, білімді, жауапты әрі адал еңбегі арқылы жоғары нәтижеге қол жеткізетін "Адал азамат" бейнесіне сай жеке қасиеттерін қалыптастыру және дамыту;
- заң үстемдігіне, жоғары құқықтық мәдениетке, заңдылық пен қызметтік тәртіпті сақтауға негізделген "Заң және тәртіп" қағидатына құрмет қалыптастыру;
- бөлімшенің жедел-қызметтік қызметінің нәтижелері, қызметтік тәртіптің жай-күйі, моральдық-психологиялық ахуал және кәсіби әдеп нормаларының сақталуы үшін жеке құрамның ұжымдық жауапкершілігін нығайту;
- өзара қолдау көрсетуге, әріптестік көмекке дайындықты дамыту, тәртіптік құқық бұзушылықтардың алдын алу және еңбек ұжымының бірлігі, тұрақтылығы мен тиімділігін арттыруға бағытталған іс-шараларға қатысуға ынталандыру.
Құжат 24 шілдеге дейін қоғамдық талқылау үшін "Ашық НҚА" порталында орналастырылған.
"Адал азамат" – адалдық, әділдік, жауапкершілік және адал еңбек қағидаттарына негізделген, Қазақстандағы әлеуметтік-этикалық тұжырымдама әрі жалпыұлттық идеал.