Ертең, 22 желтоқсан күні сағат 10:00-де «Локомотив» кинотеатрында «Қара жол» фильмінің тұсаукесері өтеді, деп хабарлайды Aktobenews.kz.
«Фильм экстремизмнің алдын алу мақсатында түсірілді. Сюжет бойынша жас жігіт діни ортаға келіп, жат ағымның торына түседі. Ол ата-анасына қарсы шығып, әйелін де теріс ағымға кіруге мәжбүрледі. Кейін өзге адамдардың ықпалымен теракт жасауға оқталады», — деді «Аңсар» ақпараттық-сараптамалық орталығының жетекшісі Жандәулет Сүлейменов.
Орталық жетекшісінің сөзінше, аталған фильм шын оқиға негізінде түсірілмеген. Алайда, фильмде жат ағымның жетегіне еріп кетудің жалпылама сценариі көрсетілген.
«Көбіне радикалдық торға осылай түседі», — деді Жандәлет Сүлейменов.