Хакерлер компьютерлерді Word файлдары арқылы бұзуды үйренді, деп хабарлайды Baq.kz Trustwave Spiderlabs сайтына сілтеме жасап. Олар алаяқтардың мұндай әдісті парольді ұрлау үшін қолданатынын ескертеді.
Вирус жұқтыру тізбегі DOCX, RTF, HTA, VBScript және PowerShell форматтары арқылы жүзеге асады. Егер интернет қолданушы спам-хат алып, оны жүктеп алатын болса, зиянды бағдарламалық жасақтаманы орнататын бірқатар әрекет орын алады. Сол арқылы пароль хакерлердің серверіне жіберіледі.
Осындай жағымсыз нәрсенің алдын алу үшін сарапшылар Windows пен Office-ті жаңартуға кеңес береді.