Қайрат Нұртас пен Жұлдыз Әбдікәрімова Мальдив аралдарында үйлену тойын жасады, деп хабарлайды Zakon.kz.
Бұл олардың он жылдан бергі арманы болғанын Қайраттың жұбайы инстаграм парақшасында жазды.
"Он жылдығымызды - Мальдив аралында, теңіздің жағасында, шашыңа ақ гүл қыстырып, ақ көйлекпен, ақ құмның үстінде, кинодағыдай атап өтеміз" деп, ылғи айтушы еді, Ақпатшам... Мен, Әумин - деп қоятынмын. Дегенмен де, уақыт өте келе мен бұл сөздерін ұмытып кетіппін. Бірақ, Ақпатшам уәдесінде тұрып, бүгін маған тосын сый жасап, 10 жылдық тойымызды атап өттік. Бұл мен үшін керемет тосын сый болды, себебі әрбір нәзік жан үшін сүйіктісінің шын ниетімен, маxаббат сезімімен жасалып жатқан сыйлық, ерекше көңіл күй сыйлайды. Басқа бір ертегі әлемінде жүргендей, құдды жаңадан отау құрған жас жұбайлар секілді, бал айында жүрген тәріздіміз. Аллаға сансыз шүкір, бізге осындай мүмкіндікті берген Әкеміз бен Анамызға мың алғысымызды айтамыз!" - деп жазды Жұлдыз.
