Үкіметтің бүгінгі отырысында ҚР Білім және ғылым министрі Ерлан Сағадиев су тасқынына байланысты мектеп сабақтарының болмайтынын жеткізді, деп xабарлайды ҚазАқпарат.
"Бүгінгі отырысты пайдаланып, xалыққа бір ақпарат жеткізгім келіп отыр. Су тасқынына байланысты бірқатар аудандарда, мәселен, Шығыс Қазақстанның бірнеше мектептерінде сабақ өткізбейтін болдық. Нақты ақпарат бүгін облыстарға жіберіледі", - деп атап көрсетті Е.Сағадиев.
Айта кетейік, бүгінгі отырыста министр білім беруді және ғылымды дамытудың 2016-2019 жылдарға арналған мемлекеттік бағдарламасын іске асыру бойынша есеп берді. Оның айтуынша, өткен жылы аталған бағдарламаға 445 мдрд теңге бөлінген. Бұл ақшаның 99,8 проценті игерілді.
