Түркия сайлау кеңесінің жоғары басшысы Сади Гювен алдын ала нәтиже бойынша Реджеп Тайып Эрдоғанның жеңіске жеткенін мәлімдеді, деп хабарлайды Baq.kz Анадолу басылымына сілтеме жасап.
Ол бюллетендер есептелгеннен кейін Эрдоғанның 97,7% дауыспен жеңіске жетіп отырғанын мәлімдеді. Яғни қалған дауыс қандай жағдай болмасын сайлау нәтижесіне әсер ете алмайды.
Сондай-ақ, Гювен 24 маусым күні өткен алдын ала сайлау нәтижесі бойынша, парламентке өту кедергілерінен Әділет және даму партиясының, Ұлттық қозғалыс, Халықтық-республикалық, Жақсы және Халық демократтары партияларының өткенін мәлімдеді.
Мұнымен қатар, ол сайлау қорытындысы апелляция қаралғаннан кейін, он күн ішінде жарияланатынын айтты.
