Ақтөбенің шет ауданындағы азық-түлік дүкендерінің бірінде сатушыға шабуыл жасалды. 23 жастағы жігіт дүкеншіні пышақпен қорқытып, кассадағы ақшаны талап еткен, деп хабарлайды Aktobenews.kz.
Облыстық ІІД мәліметінше, сатушы күзет сигналын басып, құзырлы орындарға белгі берген. Бұзақы оқиға орнынан қашып құтылған. Көп ұзамай қолға түскен жігіттің бұрын да істі болғаны анықталды.
Тәртіп сақшылары облыс тұрғындарына күзет жүйелерін пайдалану қылмыстардың болмауына және кінәлілерді дер кезінде ұстауға септігін тигізетінін ескертеді
