Ақпарат және коммуникация министрі Дәурен Абаев 5G ұялы байланысын Қазақстан Республикасының аумағына енгізу мәселесін түсіндірді, деп хабарлайды Zakon.kz.
«Келесі жылы Халықаралық электробайланыс одағы Шарм-эль-Шейхте 5G-ны бүкіл әлемде іске асыратын стандарттарды қабылдайды. Қазір біз бұл жұмысты халықаралық телекоммуникациялар одағымен қорытындылай отырып, стандарттар анықталады», - деді ол.
Сондай-ақ, ведомство басшысы келесі жылы 5G пилоттық режимде Қазақстанның бірқатар өңірлерінде енгізілетінін атап өтті.
«Біз пилотты жүргізуді жоспарлап отырмыз. 5G ұялы байланысын пилоттық тестілеу үшін Министрлік жиіліктерді іріктеу жұмысын Астана, Алматы қалаларында және Ақмола, Алматы облыстарында жүргізіп жатыр. Өз кезегінде Министрлік 2019 жылдың 2 тоқсанында 5G ұялы байланыс технологиясын пилоттық тестілеуден өткізуді жоспарлап отыр», - деп түсіндірді Д.Абаев.
