Өскеменде трамвай түтіндеді. Қоғамдық көліктің ішінде болған адамдардың зәрі-құты қалмаған көрінеді, деп хабарлайды Алтайньюс.
Оқиға таңғы 9.00 сағат шамасында, «Ауруханалар кешені» аялдамасының маңы, яғни Абай даңғылы мен Ворошилов көшесінің қиылысында болған. Әзірге өрттің болған-болмағаны белгісіз.
«Жолаушыларды тасымалдау басқармасының орталығы» ЖШС болған жайдан хабардар екенін айтқанымен, оқиғаның себебін атай алмады.
– Нақты мәлімет әзірге жоқ. Бірақ ол жерде дәнемедей ештеңе болмаған. Оқиға орнын мамандар қарап шығады. Сол кезде мәселенің себеп-салдары анықтала жатар, – дейді орталықтың директоры Владимир Панков.
