Астана қаласының тұрғыны Н. Биетов асқазан жарасына тап болған. Ауруханадан бір-ақ шыққан азамат бұл асқа студент кезден әуес болған. Өндіріс орнында ұзақ уақыт сақталуы үшін кеспе пальма майымен майланады. Оның от тигізсеңіз лаулап жана кететіні сондықтан. Асқазан жарасын тудыратын да тап осы май екен деп жазады Замана газеті.
Асқазан жарасы – «бич-пакетттен» келетін қауіптің бастамасы ғана көрінеді. Бұл «сорпа» балаларды гипербелсенділік, психикалық ауытқушылық және депрессияға шалдықтырады. Семіздіктің бірден-бір себебі осы кеспелер. Дәрігерлер оның қатерлі ісікке соқтыратынын айтады.
«Бұл жылдам дайындалатын кеспе – өте зиянды тағам. Әсіресе балалар үшін! Бұл кеспені жүкті және бала емізетін әйелдерге жеуге мүлдем болмайды. Себебі кеспені ұзақ сақтау үшін оған натрий глутаматын қосады. Ол химиялық өндірісте жасалатын синтетикалық тұз. Натрий глутомат ағзада жиналып, оны уландырады. Глутамат ағзаға түскеннен кейін асқазанды зақымдайды, қатерлі ісіктің дамуына себепкер – осы. Бронхиальды астманы да себеп асқындырады» – дейді Ұлттық онкология және трансплантология орталығының гастроэнтерологы Күлпәш Қалиасқарова.