Қазақстанның Біріккен Араб Әмірліктеріндегі жаңа елшісі тағайындалды. Бұл туралы Zakon.kz ҚР Президентінің ресми сайтына сілтеме жасап хабарлайды
- Мемлекет басшысының Жарлығымен Мадияр Смәділұлы Меңілбеков Қазақстан Республикасының Біріккен Араб Әмірліктеріндегі Төтенше және Өкілетті Елшісі қызметіне тағайындалды,- делінген хабарламада.
Айта кеткен жөн, бұған дейін аталған қызметті Қайрат Қайырбекұлы Лама Шариф атқарған болатын.
- Мемлекет басшысының Жарлығымен Қайрат Қайырбекұлы Лама Шариф Қазақстан Республикасының Біріккен Араб Әмірліктеріндегі Төтенше және Өкілетті Елшісі қызметінен босатылды, - деп жазылған мемлекет басшысының сайтында.
