Алматы облысының Текелі қаласында антитеррорлық оқу-жаттығу жұмыстары жүргізіліп жатыр. Бұл туралы террорзиммен күрес жедел штабы хабарлады, деп жазады Zakon.kz.
Жаттығудың мақсаты - адамдар көп шоғырланатын орындарда террорлық сипаттағы қауіпті жағдайлар туындаған мезгілде, бірлесіп жұмыс жасауды шыңдау болып табылады.
- Оқу-жаттығу шараларын жүргізу барысында бірқатар шектеулер қойылуы мүмкін: қала көшелері жартылай жабылып, көлік құралдарының қозғалысына шектеу қойылуы ықтимал, - делінген хабарламада.
Қала тұрғындарынан өткізіліп жатқан шараларға түсіністікпен қарап, сабырлық сақтау сұралады.