"Зеленскийдің комик болғанында тұрған ештеңе жоқ. Ең бастысы – Украинада әділ сайлау өтіп, демократия үстемдік құрды", дейді журналист Жолымбек Мәкіш өзінің facebook-тегі жазбасында.
"Тұрсынбек сайлауға түссе, қанша дауыс жинайды екен деп отырмын. Зеленскийдің комик болғаны, басқа болғаны маңызды емес. Рейган да кезінде комик болған.
Ең бастысы – Украинада әділ сайлау өтіп, халқы қалаған кандидатына дауыс берді. Бұл үлкен прогресс!
"Хотите как в Украине?" деп қорқытатын еді бұрын бізді, енді не дер екен деймін.
Қаншама арпалыстан кейін Украина демократияға қадам басты. Қалаған адамын президент қылып сайлай алатын мұндай елдің болашағы зор", делінеді журналистің жазбасында.