Жапон баспасөзі Toyota компаниясы жол талғамайтын әйгілі Land Cruiser моделінің жаңа буынын жасауды бастап кетті деп хабарлайды.
Ол көлік қазіргі 200-ші серияның орнын басады.
Су жаңа Land Cruiser 300-дің концепт нұсқасы биыл күзде Токио автосалонында көрсетілуі әбден мүмкін. Оның кейбір техникалық тұстарын Autoblog ашып берді.
Біріншіден, бұл автокөлік рамалы болып қала бермек, бірақ бұрынғыдан да жеңілдеу, әлдеқайда технологиялық көлік болады. Баяғы 8 цилиндрлі мотордың орнына одан кішірек, көлемі 3,5 литрлік алты цилиндрлі битурбо мотор келеді. Жаңа буындағы Land Cruiser 300-ге он сатылы трансмиссия орнатылуы мүмкін.
Бейресми ақпаратқа сенсек, Land Cruiser 300-дің өндірісі 2020 жылдың ортасына таман басталады.
Image Credit: Drew Phillips
Image Credit: Drew Phillips
Image Credit: Drew Phillips