Қазакстан Президенті – кезектен тыс президент сайлауына кандидат Қасым-Жомарт Тоқаев бүгін сағат 18:00-де өтетін телевизиялық сайлауалды дебатына қатыспайды.
Бұл ақпаратты Sputnik Қазақстан тілшісіне мемлекет басшысының кеңесшісі Ерлан Қарин растады, деп хабарлайды Zakon.kz.
"Президент сайлау үрдісі басталған сәттен-ақ өзінің үгіт-насихат науқанына қатысуын мейлінше шектеген болатын. Барлық үгіт-насихат жұмыстарын оның қоғамдық штабы мен сенімді өкілдері жүргізуде", – деп атап өтті Қарин.