Синоптиктер 30 мамырда болатын ерекше метеорологиялық құбылыстарға болжам жасады, деп хабарлайды Zakon.kz.
"Қазгидрометтің" хабарлауынша республиканың басым бөлігі жоғары қысым аумағының әсерінде болады. Соған байланысты көбінесе жауын-шашынсыз ауа райы күтіледі, тек атмосфералық фронттардың өтуіне байланысты оңтүстік-батыс, орталық және солтүстік өңірлерінде тұрақсыз ауа райы сақталады - жаңбыр жауады. Республиканың кей аймақтарында найзағай, тұман, жел күшейіп, дауыл күтіледі, бұршақ жаууы мүмкін, оңтүстікте шаңды дауыл күтіледі.
Павлодар облысында жел 15-20 м/с, күндіз кей жерлерде дауыл, бұршақ күтіледі.
Маңғыстау облысында кей жерлерде бұршақ жаууы мүмкін, күндіз кей жерлерінде жел 15-20 м/с күшейеді.
Солтүстік Қазақстан облысында кей жерлерде жел 15-20 м/с күшейеді, түнде кей жерлерде тұман, дауыл күтіледі.
Жамбыл, Ақмола, Қарағанды облыстарында, күндіз Қызылорда, Түркістан облыстарының кей жерлерінде жел 15-20 м/с күшейеді.
Қостанай облысында кей жерлерде тұман күтіледі.
Күндіз Шығыс Қазақстан облысының кей жерлерінде дауыл күтіледі, жел 15-20 м/с күшейеді, бұршақ жаууы мүмкін.
Ал, Ақтөбе, Қарағанды, Қостанай, Қызылорда, Түркістан, Жамбыл облыстарының кей жерлерінде жоғары өрт қауіпі сақталады.