"Астана" футболшылары мен бапкерлер штабы "Манчестер Юнайтедке" қарсы Еуропа лигасының топтық кезеңі аясындағы алғашқы ойынын өткізу үшін Манчестерге келіп жетті, деп хабарлайды Vesti.kz.
Кездесу қыркүйектің 19-ынан 20-сына қараған түні "Олд-Траффорд" стадионында өтеді. Басталуы Нұр-Сұлтан уақытымен түнгі 01:00-де.
Манчестерге "Астана" мынадай құраммен аттанды:
қақпашылар: Ненад Эрич, Александр Мокин, Станислав Павлов;
қорғаушылар: Антонио Рукавина, Абзал Бейсебеков, Лука Шимунович, Евгений Постников, Жарко Томашевич, Дмитрий Шомко;
жартылай қорғаушылар: Юрий Логвиненко, Рунар Мар Сигурьонссон, Иван Маевский, Юрий Перцух, Серікжан Мужиков, Марин Томасов, Дорин Ротариу, Дидар Жалмұқан;
шабуылшылар: Сергей Хижниченко, Рангело Янга, Роман Мұртазаев және Фирмин Мубеле.
"Астана" түскен L тобында "Манчестер Юнайтедпен" бірге Голандияның АЗ клубы және Сербияның "Партизаны" бар.
